ابابیل دیکھنا عقل و دولت میں ترقی کا باعث ہے۔
ابابیل ہاتھ سے اُڑنا عورت سے مفارقت ہو۔ رنج و ملا ل اٹھائے۔
ابابیل ہاتھ سے مرنا کسی عزیز کی موت واقع ہو۔
ابابیل پکڑنا غموں سے نجات ملے آرام نصیب ہو۔
ابر آسمان پر دیکھنا بادشاہ مہربان ہویا خود عالم و حکیم بے مثل دوران ہو۔
ابر کا ٹکڑا پانا علم و حکمت حاصل ہو۔ فنِ طبیہ میں کامل ہو۔
ابر کا ٹکڑا کھانا بادشاہ یا حاکم وقت کا نزدیکی ہو فائدہ بے انداز پائے۔
ابر سیاہ دیکھنا رنج و عذاب در پیش آئے فکر و اندیشہ میں مبتلا ہو۔
ابر برستا دیکھنا خیر و برکت اور زیادتی رزق کا سبب ہو آرام و آسائش عام ہو۔
ابر گرجتا دیکھنا باعث پریشانی ہے توبہ کرے نیک ہو خوف خدا دل میں پیدا ہو۔
ابر اڑتادیکھنا نیکی کی دلیل ہے علم عرفان حاصل ہو، خدمت خلق میں شاغل ہو۔
ابر محیط آسمان پر دیکھنا آفت میں مبتلا ہو۔ رنج و مصیبت میں سامنا ہو۔
ابرک اڑنا مال و دولت ضائع کرے بے آبرو ہو۔
ابرک جمع کرنا مال و زر حاصل ہوامیروں میں داخل ہو۔
ابرک دیکھنا تنگدستی کی علامت ہے۔ باعث فکر و الم ہے۔
اجوائن دیکھنا رنج و غم میں مبتلا ہو۔ تکلیف اٹھائے۔
اجوائن کسی کو دینا غم و اندوہ سے نجات حاصل ہواگر ہاتھ سے گرتی دیکھے تو غم سے بچے۔
اجوائن کھانا نقصان ہونے کا اندیشہ ہے۔
اخبار پڑھنا علم و عمل میں ترقی ہو۔ دولت علم بدولت ہاتھ آئے۔
اخبار بیچنا عیب یا بہتان لگے۔ مگر نیکی اختیار کرے۔
اخبار لکھنا دولتمند ہونیکی دلیل ہے۔ عہدہ یا نوکری ملے۔
اخبار طبع کرنا کامیابی کی دلیل ہے۔مشہور عام ہو کاروبار وسیع ہو۔
اخروٹ کھیلنا دنگا فساد ہو۔ بدنام ہو۔ خرابی پیدا ہو۔
اخروٹ کڑوا کھانا مال حرام پائے بیجا خرچ کرے نقصان کرے۔
اخروٹ سے تیل نکالنا کام سے نفع پہنچے، کسی شوم یا کنجوس سے کچھ ملے۔
اخروٹ کا درخت دیکھنا نخل تمنا برلائے مسرت ہاتھ آئے۔
اخروٹ دیکھنا تجارت میں منفعت ہو حاصل ثروت ہو۔
اذان سننا پرہیز گاری اختیار کرے نمازی ہو۔ خوشی حاصل ہو۔
اذان بے وقت کہنا ظلم و جفا کا شیوہ پسند آئے۔ خلقت کو تکلیف پہنچائے۔
اذان بے مقام کہنا ریاکاری اختیار کرے ظاہر دار ہو۔ مکار ہودھوکہ فریب سے کام لے۔
اذان مسجد میں کہنا مال بے حساب ملے انجام بخیر ہو۔ حج و زیارت نصیب ہو۔
اذان لشکر میں کہنا سفر درپیش ہو مال حاصل ہو تجارت میں فائدہ ہو۔
اذان قید میں کہنا قید سے رہائی پائے یا مصیبت سے آزاد ہو۔
اذان پہاڑ پر کہنا کسی مصیبت سے گرفتار ہو کر رہائی پائے مرتبہ بلند ہو۔
ارگن پانا یا بجانا افسر فوج یا حاکم شہر ہو جائے یا قوم میں امتیاز پائے یا مشیر یا توقیر ہو۔
اڑتا دیکھنا آپ کو عزت و بزرگی پائے۔ دولت مندوں میں شامل ہو۔
اڑنا پروں سے بیماری یا موت واقع ہو۔
اڑکر دوسری جگہ جانا شادی کرے یا کنیز خریدے یا بلند مرتبہ حاصل ہو۔
اژدہا دیکھنا بزرگوں سے فیض حاصل ہودولت مندوں میں شامل ہو۔
اژدھا سے جنگ کرنا دشمن سے لڑائی ہو جائے باعث پریشانی ہے۔
اژدھا کو زیر کرنا دشمن فتح پائے،دولت پائے،رنج و غم کافور ہو جائیں۔
اژدھا پر بیٹھنا دشمن سے صلح ہو رنج و الم دور ہو۔
اژدھا کو مار ڈالنا دشمن کو ہلاک کرے اندیشہ دور ہو۔
استاد بننا اگر بچوں کو پڑھائے تو دنیا میں راست گو ثابت ہو عزت حاصل ہو۔
اسبغول دیکھنا رنج و غم میں مبتلا ہو۔ آفت میں گرفتار ہو۔
استغفار(توبہ) کرنا دلی مراد برآئے توبہ قبول ہو یا مال و دولت، فرزندو زن حاصل ہو۔
اشرفی ملتے دیکھنا فرزند نیک طالع ہو یا مال و دولت بڑھے نفع کثیر ہو۔
اشرفی گم ہونا کسی عزیز کی موت واقع ہو یا دولت کی چوری ہو جائے۔
ابرو(بھنویں ) گھنے دیکھنا ترقی دین کا باعث ہو۔ علم حاصل کرے۔ ہدایت پندو نصیحت کہے۔
ابروغم دار دیکھنا حسینہ جمیلہ عورت ملے مجامعت سے دل شاد ہو۔
ابرو گرتے دیکھنا نقصان اٹھائے بے عزت ہو۔ غم دامن گیر ہو۔
ابرو سفید دیکھنا بزرگ دین ہو۔ علم و عرفان ملے۔ لیکن دولت کی کمی کا باعث ہو۔
افیون دیکھنا غم و اندیشہ درپیش ہو۔ مصیب میں مبتلا ہو۔
اقامت کہنا بزرگی حاصل ہو۔ نیکوں میں شمار ہو۔
السی دیکھنا مال حلال پائے تجارت سے منفعت اٹھائے۔
السی کھانا سامان دنیا اکٹھا کرے۔ عیش و عشرت میں مشغول ہو۔
اُلو دیکھنا گمراہی کی دلیل ہے مصیبت پیش آئے۔
اُلو پکڑنا چور کو گرفتار کر ے یا پکڑ ے نیک نام ہو فائدہ مند ہو۔
اُلو کو جھپٹا مارتے دیکھنا کسی سے لڑائی جھگڑا ہو یا دشمن سے جنگ ہو۔
الو کا بچہ دیکھنا چور کے شاگرد یا لڑکے کو پکڑے۔
امام بننا قوم کا سردار ہو قبیلہ کا امام مقرر ہو عزت حاصل ہو۔
امام لوگ بنائیں شہر کا حاکم مقرر ہو۔ بادشاہ سے عہدہ ملے لوگوں میں مشہور ہو۔
امام سے ملاقات کرنا حکومت، عدل، انصاف، علم، بزرگی، امن وراحت پائے۔
امرود کھانا اگر موسم میں کھائے تو مال حلال حاصل ہوخوشی نصیب ہو۔
امرود ترش کھانا غم و الم میں مبتلا ہواگر بد مزہ ہو تو بد بختی کی علامت ہے۔
امرود درخت سے توڑنا لڑکی پیدا ہو۔ مال ملنے اور زر زیادہ ہاتھ آئے
انار توڑ کر کھانا حسین عورت ملے۔ مال ملنے کی بشارت ہے۔
انار ترش کھانا کام میں ناکامی۔ باعث پریشانی ہے۔
انار میٹھا کھانا مال جمع کرے نیک عورت ملے باعث آبادی ہے۔
انار کا درخت دیکھنا لونڈی باکرہ ہاتھ آئے یا منکوحہ بی بی ہاتھ آئے۔
انار پانا روپیہ ملے یا اولاد نیک ہو۔
انار خشک کھانا فکرو اندیشہ کا سامان۔
انار شیریں کھانا دولت دنیا سے مالا مال ہو مسرور فی الحال ہو۔
انار ترش جسم آبلہ وار ہو جائے تکلیف اٹھائے۔
انسان کا گوشت کھانا مال حرام ہاتھ آئے اندیشہ کھائے۔
انتڑی کھانا زیادتی اسباب مال و متاع خانگی ہو۔ فارغ البالی حاصل ہو۔
انجیر کا پتہ کھانا اندیشہ بیماری کی علامت ہے باعث پریشانی و ملامت ہے۔
انجیر کھانا یا جمع کرنا اندوہ ملال کا باعث ہے حرص طمع زیادہ کرے مگر فائدہ نہ ہو۔
اندھا اپنے تئیں دیکھنا دین کے کاموں سے چشم پوشی ہو بھوک سے گرم جوشی ہو۔
اندھا دیکھنا منفعت سے محروم رہے قصد سفر سے مغموم ہو۔ رنج اٹھائے۔
انجن دیکھنا طاقتور ہونے کی دلیل ہے۔
انجن چلتے دیکھنا سفر درپیش آئے۔ منفعت ہاتھ آئے۔
انجن خود چلانا ملازمت ملے یا کاروبار وسیع ہو۔
انجیل شریف پڑھنا خود آرائی اور باطل پرستی کی طرف راغب ہو بے دین ہو۔
اندھیر ادیکھنا دین میں گمراہی کا باعث ہے ظلمت میں گرفتار ہو۔
اندھیرے سے روشنی دیکھنا توبہ کر کے دین کی محبت ہو ہدایت پائے نیک ہو جائے۔
انڈہ دیکھنا یا پانا عورت یا کنیز ملنے کی خبر پائے مسرت ہاتھ آئے۔
انڈہ پختہ کھانا رنج و مشقت سے مال و دولت پیدا کرے۔
انڈہ نیم پختہ دیکھنا مال حرام اکٹھا کرے رشوت کو جائز قرار دے۔
انڈہ بہتے دیکھنا عورتوں کی محبت میں مبتلا ہو زنا کرے خوار ہو۔
انڈہ بطخ کا دیکھنا درویشی اختیار کرے دنیا سے بیزار۔
انڈہ چڑیا کا دیکھنا خوشی کی علامت ہے مگر بہت کم۔
انگلیاں دائیں ہاتھ دیکھنا پنجگانہ نماز کی پابندی کرے یا کچھ لکھے یا تصنیف کرے۔
انگلیاں بائیں ہاتھ دیکھنا برادر یا فرزند پیدا ہو۔ کوئی نیا کام ہو۔
انگلیاں متفرق دیکھنا تنگدستی ہو جائے فکر و اندیشہ سے گھبرائے۔
انگلیاں پائوں کی دیکھنا زیب و زینت حاصل ہو لونڈی یا اولاد سے خوشی حاصل کرے۔
انگوٹھی چاندی کی دیکھنا فراغت دولت سرور حاصل ہو۔ انگوٹھی سونے کی بھی اچھی تعبیر ہے۔
انڈے زیادہ دیکھنا ترقی اولاد کا باعث ہے۔
انگوٹھی پہنتا دیکھنا حکومت مرتبہ بزرگی کی نشانی ہے جلد مسرت ثروت ہاتھ آئے۔
انگوٹھی بیچ ڈالنا عورت سے فراق ہو۔جدائی شاک ہو یا جائیداد فروخت کرے۔
انگوٹھی گرتے دیکھنا قدرو منزلت زائل ہو پریشانی حاصل ہو مشکلات میں مبتلا ہو۔
انگوٹھی ٹوٹتا دیکھنا اہل و عیال سے مفارقت کا باعث ہو۔
انگور سیاہ دیکھنا باعث مصیبت ہے۔ رنج و بلا میں مبتلا ہو۔
انگور سفید دیکھنا نعمت و برکت حاصل ہو فائدہ کثیر ہو صاحب تدبیر ہو۔
انگور نچوڑتا دیکھنا حاکم وقت سے فائدہ حاصل ہو۔ فرحت بے حساب پائے۔
انگور کی بیل دیکھنا نیک اور خوشخو عورت سے شادی کرے آرام پائے۔
انگور کی بیل سوکھی دیکھنا تکلیف و پریشانی اٹھائے رنج و بلا میں گرفتار ہو۔
انگیا(سینہ بند) دیکھنا اپنی عورت کو دیکھے تو راحت پائے بیوی سے محبت کرے۔
انگیا غیر عورت کا دیکھنا عیاش و بدمعاش ہو۔ بدنام عام ہو غیر مستورات سے محبت کرے۔
انگیٹھی دیکھنا نیک نام عورت مقام زینت ہو باعث راحت آرام ہو۔
انگیٹھی ٹوٹی دیکھنا کنیز یا غلام کھو جانے کے مترادف ہے۔
اولیا اللہ کو خوش دیکھنا بزرگی ملنے کی دلیل ہے جاہ و اقبال و مرتبہ بلند۔
اولیا اللہ کوغصہ دیکھنا باعث پریشانی ہے ذلالت اٹھائے بدنام ہو گمراہ ہو جائے۔
اوپر چڑھنا یا جانا دیکھنا پہاڑ یا چھت یا کسی بلند مقام پر چڑھنا کامیابی کی دلیل ہے۔
اوجھڑی صاف دیکھنا اگر حلال جانور کی دیکھے تو مال حلال حاصل ہو۔
اوجھڑی گوبر سے بھری دیکھنا مال حرام ملنے کی دلیل ہے ۔ باعث پریشانی ہے۔
اوجھڑی پختہ دیکھنا اگر اوجھڑی پختہ دیکھے یا کھائے خیر و برکت ہاتھ آئے آرام پائے۔
اوڑھنی دیکھنا دیندار عورت ملے۔ باعث فرحت ہو۔
اوڑھنی پھٹی دیکھنا منکوحہ بی بی مر جائے یا کسی عزیز و اقارب کی موت واقع ہو۔
اوڑھنی پر قرآن مجید کی آیت دیکھنا عورت دیندار ملے جس سے خود بھی ہدایت پائے باعث آرام و راحت ہو۔ موجب برکت ہے۔
اوکھلی دیکھنا اگر اوکھلی میں چیز کوئی جائے تو نفع ہو۔ رنج و غم فرار ہو اور اگر گڑوی چیز کوئی پاوے تو نقصان ہو غم اندوہ زیادہ دیکھے۔
اونٹ پر سوار ہونا باعث مسرت ہے۔ مالدار ہو۔ تجارت ، بیوپار سے نفع اٹھائے۔
اونٹ کا گوشت کھانا مال پاکیزہ ملے بزرگی حاصل ہو۔ دین میں کامل ہو۔
اونٹ خریدنا عورت یا لونڈی ملنے کی توقع ہے دولتمند ہو۔ مرتبہ بلند ہو۔
اونٹ کو اپنا دشمن دیکھنا مصیبت میں گرفتار ہو دشمن سے مغلوب ہو پریشانی اٹھائے۔
اونٹ مطیع دیکھنا دولتمندی عزت آرام پائے دشمن پر غالب آئے۔
اولے برستے دیکھنا بلا فتنہ و فساد ۔ قحط و بیماری کا باعث ہے۔
اولے شہر پر برستے دیکھنا حاکم وقت سے تکلیف سے پہنچے یا آسمانی بلائیں نازل ہوں۔
اولے کا پانی پینا خوش حالی ہو فارغ البال ہو۔
اون دیکھنا حلال جانور کی دیکھے تو مال حلال جمع کرے تجارت میں ترقی ہو۔
اون حرام جانور کی دیکھنا مال حرام حاصل کرے نقصان پائے بدنام ہو۔
ایلوا کا کھانا غم و اندوہ میں مبتلا ہو اگر نہ کھائے تو خوشی ہو۔
ایڑی دیکھنا کاروبار کی ترقی کا باعث ہو۔
ایڑی کٹ جانا بیکاری اور تنگ دستی کی دلیل ہے۔
اینٹ دیکھنا یا پانا کچی اینٹ دیکھنا دولت جمع کرے۔ مگر کنجوس ہو۔
اینٹ دیوار سے نکالنا مالک کے مال میں خیانت کرے بدنام ہو۔
اینٹ توڑنا مال و دولت ویران کرے پشیمانی اٹھائے۔
ادرک کھانا شیریں بیان خوش الحان مشہور ہو ملاقات سے مسرور ہو۔
اپنے تئیں خود ہلاک کرنا گناہوں سے تائب ہو افعال نیک کی طرف راغب ہو۔
اینٹ پختہ دیکھنا دکھ تکلیف مصیبت اٹھائے۔
ٹ ت پ ب ا آ
د خ ح چ ج ث
ژ ز ڑ ر ذ ڈ
ظ ط ض ص ش س
گ ک ق ف غ ع
ھ ہ و ن م ل
ے ی ء
Menu