عملیات غفرانی
تحریر:سید محمود الحسن
قسط نمبر 8
یہ مضمون راہنمائے عملیات ماہ جنوری2022کے شمارے سے لیا گیا ہے۔
اہم موضوعات جو اس مضمون میں زیر بحث آئیں گے
سبحان اللہ کیا برقی طلسم ہے ہر مہم کا با آسانی سر ہو جانا
غضب کا عمل برائے تسخیر عام و خاص
وہ خاص عمل یہ ہے
مثال: نکاح کرنا منظور ہے اور شادی کے واسطے اعزاء اقرباء رضا مند نہیں ہیں۔ یا لڑکی کے والدین کرنا نہیں چاہتے یا آپ کے گھر والے رضامند نہیں ہیں ۔ اس وقت ان کے کپڑوں میں عطر لگاؤ پھر تماشہ دیکھو۔ کس طرح رضامند ہوتے ہیں۔ اور اگر مطلوبہ کے لگا ؤیا تو جان چھڑانا مشکل ہو گا۔ سوچ سمجھ کر کام کرنا چاہیے۔اس لیے کہ انسان عشق میں دیوانہ ہوتا ہے۔ بدنامی کا ٹوکرا یا شرافت میں بٹہ نہ آ جائے۔ ہماری حالت خراب اعمال کی وجہ سے بد سے بدتر ہو رہی ہےاور عام شائقین کی نظریں قابومیں نہیں ہیں ۔ اس عمل کا تماشہ نہ بنائیں۔
فائدہ : ایک بڑے زبردست شخص اس کے عامل تھے۔ الائچی کا کھلانا اور مطلوب کا بندہ محبت بن جانا۔ آنکھوں سے دیکھ کر رہانہ گیا۔ قصہ طول طویل ہے۔ خدا خدا کر کے ظاہر کیا ۔ سامنے ان کے تجربہ بھی ہو گیا۔ چونکہ اہل ہنود صاحبان کا اسرار تھا۔ اور سینکڑو ں خطوط آ چکے تھے۔ اس لیے بخل کو بالائے طاق رکھ کر استفادہ مناسب خیال کیا گیا ۔ آخر میں اس عمل کے متعلق یہ لکھ دینا ضروری ہے کہ ہر خریدار کتاب کو اس کی اجازت نہیں ہے۔ اس کو ذہن نشین فرما لیں۔ اس عمل سے مسلمان بھی پورا فائدہ اٹھائیںگے۔ ناجائز کلمات اس میں نہیں ہیں۔ جس سے ایمان زائل ہوجانے کا خوف ہو(اضافہ) ہزارہا اشخاص نے کیا ۔ صرف پانچ اشخاص با مراد ہوئے۔ میرا ناقص خیال ہے کہ خواہشات نفسانی کا ادنی شائبہ یہی کام کو خراب کر دیتا ہے۔واللہ اعلم۔
ھدایت: کام پورا ہو جانے پر فی سبیل اللہ ضرور کچھ نہ کچھ دیدیں۔
سبحان اللہ کیا برقی طلسم ہے ہر مہم کا با آسانی سر ہو جانا
حضرت مولانا حسین احمد صاحب مہاجر مدنی ، مدرس اول مدرسہ دیوبند ۔ آپ علامہ دہر اور ہندوستان کی ممتاز ہستیوں میں سے ایک فرد واحد اور شیخ الہند میرے پیر حضرت مولانا محمود الحسن صاحب مرحوم خلد آشیاں کے جانشین ہیں ۔ آپ نے میری پریشانیوں اور مصیبت کے وقت احقر کو اپنے والد ماجد کا تحفہ عطا فرمایا تھا اور مجھے پڑھنے کی اجازت دی ۔ جس کو میں بطبیب خاطر رفاہ عام درج کرتا ہوں ۔ یہ ایسا تیر بہدف طلسم ہے کہ فوری کام ہوتا ہے کہ جس سےعقل حیران رہ جاتی ہے۔کسی قسم کا کام ہو مثلاً ملازمت نہیں ملتی ، تجارت نہیں چلتی، افسر رخصت نہیں دیتا یا تبادلہ اس جگہ سے نہیں کرتا۔ یا دشمن ہلاک کرنا چاہتا ہے، یا کسی مقدمہ میں سز اہونے والی ہے، یا کوئی شخص زار ہے اور موقع کا منتظر ہے۔ الغرض وقت پر طرح طرح کی صورتیں جو پیدا ہوں اور جائز ہوں سب میں کام دے گا۔ (انشاءاللہ)زبانی یاد کر لیں اور موقع پر اس کو پڑھیں اور فائدہ اٹھائیں۔
ہر کہ رامہمی پیش آید سا یدکہ درگورسنان رفتہ۔ دو رکعت نماز گزار دور ہر بعد از فاتحہ سی اوسہ بار آیت الکرسی شریف دہ ۱۰ بار سورہ اخلاص پڑھے۔ بعد سلام با کسے سخن نگوید۔ و ہزار بار بخواند اصحب فی جوارک یا کریم یا رحیم ہنوز بنجانہ باشد کہ باذن اللہ حا جتش بکفایت۔
اضافہ: لاکھوں اشخاص فیضیاب ہو چکے ہیں ۔ انبار تصدیقات کے لگ گئے ہیں۔ یہ سب بیکار کی باتیں ہیں۔ ہمارا عمل پورا ہو گیا۔ ہمارا مقصد بر آری ہو گئی۔ ہم با مراد ہو گئے۔ تو سب کچھ سچا اور درست عمل ہے۔ ورنہ سب پیسہ کمانے کی تدابیریں ہیں۔ محض ان بیہودہ خیالات کو سامنے رکھ کر میں نے تصدیقات نکال دیں اور جس جگہ ضرورت سمجھی واقعات درج کردیے اور نام پتہ سب نکال دیا ۔ پچھلی طباعت میں نام پتہ سب درج ہے۔
غضب کا عمل برائے تسخیر عام و خاص
اس عمل کی بدولت اطباء ڈاکٹران ، وکلاء بیرسٹران، دوکانداران، سوداگران، صناع اور کاریگر ، عرائض نویس اور دیگر ہر قسم کے پیشے والے شرطیہ کامیاب ہوتے ہیں۔
مثال کے طور پر سمجھ لیں ۔ اطباء اور ڈاکٹران کے پاس مرضاء کا اس قدر ہجوم ہوتا ہے کہ ناک میں دم آجاتا ہے۔ فیس خوب ملتی ہے۔ دور دور کے لوگ آتے جاتے اور بلا کر لے جاتے ہیں۔ روپیہ کی ہم تعداد نہیں لکھ سکتے کہ کس قدر ملتا ہے۔ اخبارات اور رسالہ جات کی اشاعت بڑی کثرت سے ہوتی ہے۔ اسی طرح تعویذ گنڈے لکھنے والوںکی آمدنی معقول ہوتی ہے۔ پیر ی مریدی کرنے والے خوب فائدہ اٹھاتے ہیں۔ مطابع والوں کے کام اس قدر ہجوم کہ خدا کی پناہ۔ وکلاء بیرسٹران گھبرا کر مقدمہ لینا چھوڑ دیتے ہیں۔ کہ کہاں تک پیروی کریں۔ سوداگر ، دوکاندار ، صنعت و حرفت والے جیبوں میں روپے بھر کر لے جاتے ہیں۔ اور دیگر ہر قسم کے پیشے والے لطف کی زندگی بسر کرتے ہیں۔
شوقیہ یا بلا غرض عام طبقہ کے حضرت عمل کریں۔ ایک ہجوم ان کے گھر پر لگا رہے ۔ہم اس عمل کی تعریف اللہ و رسول ﷺ گواہ ہے۔ کر نہیں سکتے۔ بڑے زبردست کامل کا یہ عمل بہ اجازت ہے ۔ خلوص دل سے آپ سب صاحبان کو اجازت دی جاتی ہے۔ اور جملہ تراکیب جو قلمبند کی جاتی ہیں۔اس کے مطابق یہ عمل کریں۔ اس عمل سے اہل اسلام فائدہ اٹھائیں گے۔
یہ عمل زیادہ سے زیادہ پانچ منٹ میں ختم ہو جاتا ہے۔ اکثر حضرات اس کو پورا کر چکے ہیں۔ جو عظیم فائدہ اٹھا رہے ہیں ۔ اس عمل میں اس قدر بلا وجہ مجبوری سے کام لیا جا رہا ہے کہ جو خریدار اس کتاب کے ہونگے وہی انشاءاللہ اس اسے پورا فائدہ اٹھائیں گے۔ اور حضرت قطب الا قطاب نے بھی یہ دعا فرمائی ہے کہ اے پروردگار ذواعنن اس کتاب سے استفادہ کرنے والوں کو فائز المرام کر اور فراخی رزق بے شمار عطا فرما۔ آمین ثمہ آمین۔ پچھلے اوراق میں ظاہر کر چکے ہیں۔
وہ خاص عمل یہ ہے
اگر آپ حافظ ہیں تو ما شا ءاللہ نور علی نور ۔ ورنہ اول سورہ رحمن شریف زبانی یاد کرلیں۔ جب خوب اچھی طرح یاد ہو جائے۔ روزانہ آفتاب جب نکلے اور ایک بردہ بلند ہو جائے۔ تقریباً پانچ منٹ کے اندر ایک نیزہ بلند ہو جاتاہے۔ جس کا اندازہ اس طرح کر لیں کہ آفتاب اپنی جگہ سے نکل کر آپ کے سامنے آ جائے اور کرنیں آفتاب کی پھیلی ہوئی ہوں۔
اضافہ: جس طرح ریڈیم دھات اپنا کام آفتاب پر بجلی کی طاقت کے شمول سے کام کرتی ہے۔ جس سے ریڈیو بنایا گیا ہے۔ اسی طرح سورہ رحمن اپنا عمل تسخیر بجا لاتی ہے۔ اور ابر کی صورت میں جب آفتاب نہیں نکلتا تو ریڈیو کی آواز پست ہو جاتی ہے۔اسی طرح چلہ کے درمیان اگر مطلع غبار آلود ہو تو عمل کمزور ہو گیا ۔ موسم گرما اس کے لیے مناسب رہتا ہے۔ قید کچھ نہیں ہے جب جی چاہے شروع کریں۔
اب سورج کے سامنے منھ کرکے سورہ رحمن پڑھنا شروع کریں جب فبای الا ربکم تکذبان پر آئیں داہنے ہاتھ کی کلمہ والی انگلی سےسورج پر ایک اشارہ کر دیں۔ اسی طرح ہر مرتبہ فبای الا ربکما تکذبان پرانگلی سے اشارہ کر دیا کریں۔ یہاں تک کہ سورت ختم ہو جائے۔
یہ عمل روزانہ پانچ منٹ میں ختم ہو جاتا ہے۔ ایک ہفتہ کے بعد آمد مخلوق شروع ہو جاتی ہے لیکن یہ زکوۃ ہے۔ آنے والوں کو کمال اخلاق سے بٹھایا کریں اور خوش مزاجی سے پیش آئیں۔ بعد ختم چلہ صبح کو روزانہ ایک مرتبہ پڑھتے رہیں۔ یہ عمل چالیس یوم کا ہے۔ بڑی آسانی سے بعد نماز فجر پورا ہوتا ہے۔
ایک چلہ میں عام مخلوق کی آمد ، دوسرے چلہ میں خاص خاص لوگوں کی آمد، تیسرے چلہ میں رئیسوں ،جاگیر داروں اور نوجوانوں، تعلق داروں کی ملاقات ، چوتھے چلہ میں رات دن مخلوق کا ہجوم لگا رہتا ہے۔ ان حضرات سے جو کچھ آپ فرمائیں گے تعمیل ارشاد بجا لائیں گے۔ اگر تجارتی کاروبار ہے سب خریداری کریں گے۔ ہر شخص آپ کی دوکان پر خود بخود کھینچ کر چلا آئے گا۔ عجیب و غریب متصف بصفات یہ عمل ہے ۔ خاص طو ر پر مشورہ اس عمل کے کرنے کا دیا جاتا ہے۔ اگر آپ کو کسی حاکم کے سامنے جانا منظور ہے یاکسی بڑے افسر کے پاس جانا ہو ایک بار سورہ رحمن پڑھ کر جائے اگر قدر موقع نہ ملے تو تین بارفبای الا ربکم تکذبان پڑھ لیںاور پھر سلام کریں۔ افسر کمال اخلاق سے پیش آئے گا۔
نوٹ: احباب اور آنے والی مخلوق عامل کی طرف کھینچے گی اور بعض اوقات کہہ بیٹھے گی کہ آپ نے کیا عمل پڑھا ہے خود بخود ہم آپ کی طرف چلے آتے ہیں۔ خوش مزاجی سے کہہ دیجئے کہ آپ کی بندہ نوازی اور محبت ہے ہم کس لائق ہیں۔ جو شخص جس قسم کا کاروبار کرتا ہو اس کو یہ عمل ضرور پڑھنا چاہیے۔
اضافہ: ہزاروں دست غیب کے عمل سے یہ بہتر چیز ہے۔ اب تو بفضلہ لاتعداد اس کی تصدیقات آ چکی ہیں۔
قسط نمبر 9
عملیات غفرانی
تحریر:سید محمود الحسن
یہ مضمون راہنمائے عملیات ماہ جنوری2022کے شمارے سے لیا گیا ہے۔
subhan Allah kya barqi tilsam hai har muhim ka ba aasani sir ho jana
gazabb ka amal baraye taskheer aam o khaas
woh khaas amal yeh hai
Praise be to Allah, what an electric talisman it is for every campaign to go smoothly
The act of conquering the common and special
That is the special process